Photo: Google Images
Si Punong Barangay Cezar L. Mendoza kang Barangay Malis, Guiguinto, Bulacan ang nakapinsar kang sangka ideya sa tunga kang ginaatubang nga krisis sa bilog nga pungsod kang Pilipinas.
Tana ang nagproponer kang sangka sistema nga ginasunod sa anda Barangay parte sa tagtaganay kang mga ayuda para sa mga pumuloyo kang ana Barangay. Ang amo nga sistema amo ang pagbutang kang Puti nga Laso ukon White Ribbon sa mga gawang kang mga panimalay ukon sa gate kang sangka balay bilang patimaan nga tanda ang indi ron pagtugruan kang bulig kay tanda ang may ikasarang pa sa pagsustiner kang anda tagsa ka pamilya samtang sa idalum kang Enhanced Community Quarantine (ECQ)
Ang Barangay Malis ang may 4,254 ka mga panimalay o households, kag sa una nga bes kang pagtagtaganay kang bulig, halos 200 ka panimalay ang nagbuylog kag nag-'waive' kang anda huray pabor sa mga may labing kinahanglan kang bulig.
Sa masunod nga semana, ang mga pamalay nga may rugyan gihapon nga laso o ribbon sa anda mga gate ukon gawang ang nagapatimaan nga tanda sa liwat ang magatugro kang anda huray para sa mga labing kubus.
Sa tulad, ang mga kaingud nga kabarangayan kang Barangay Malis ang nagatuyo nga huwadon ang amo nga sistema nga ginapatuman ni Kapitan Mendoza.
Other posts
- Darwa ka Kapulisan ang Napatay Tungud sa COVID-19
- Sangka Frontliner, Gin-atake
- Antique Medical Center, Temporaryo nga Indi Magbaton kang Pasyente
- Linog sa Banwa kang Caluya
- Featured Videos
- OPLAN Baklas
- Don't Do This On Beaches
- Installation and Canonical Possession of The 5th Bishop of the Diocese of Antique
- The Moment Catriona Gray Won
