Photo: ABS-CBN

Ang Philippine National Police ang nagkuon nga darwa (2) ron sa hanay kang kapulisan ang napatay tungud sa COVID-19.

Ang mga nagkaramatay amo ang mga kapulisan nga nadestino sa Laguna kag sa Metro Manila suno sa pahayag.

Ang una nga napatay amo ang sangka 46 anyos nga opisyal (Patient #13, PNP-13) nga napatay katong Marso 27 nga kon sa diin ang resulta naguwa sangka semana pagkatapos nga tana ang naduraan kang kabuhi.

Ang ikarwa ang napatay kang Huwebes, Abril 2, sangka 48 anyos (Patient #8, PNP-8) kon sa diin dya ang nakabatyag kang mataas nga hilanat samtang naga-duty kang Marso 19 kag tana ang gin-admit sa sangka hospital.

Suno sa pamunuan kang Philippine National Police, ang mga nalisdan nga pamilya ang sigurado nga makabuol kang mga benepisyo angut sa anda obra kag pira ka mga pinansyal nga suporta dara ron ang pinansyal nga bulig halin sa Presidential Fund kag ang nabilin nanda nga Leave Credits ang iga-convert sa cash kag igatugro sa anang mga pinalangga sa kabuhi.

Sa datos, may 13 ka mga kapulisan ang positibo sa COVID-19, masobra 200 ang ginkabig nga Persons Under Investigation (PUI) kag masobra sa 1,600 ang Persons Under Monitoring (PUM)

Suno kay Police Brigadier General Bernard Banac, PNP spokesman, ang PNP Chief ang nagadumili nga iga-deploy ang mga kapulisan nga may edad 46 pasaka kay dya tanda ang mahina ron ang resistensya kag dali maduktan kang balatian.

Via MB & ABS-CBN

---

Other posts

• Sangka Frontliner, Gin-atake
• Antique Medical Center, Temporaryo nga Indi Magbaton kang Pasyente
• White Ribbon sa Barangay Malis
• Linog sa Banwa kang Caluya
• Featured Videos
• OPLAN Baklas
• Don't Do This On Beaches
• Installation and Canonical Possession of The 5th Bishop of the Diocese of Antique
• The Moment Catriona Gray Won