Mga mas o menos alas 3:40 sa hapon, nakita kang pira ka katapo kang mga kapulisan nga may nagtimbuok nga aso sa kilid kang padayon nga ginaobra nga Rural Health Unit kang Bugasong kag madasig nanda nga gintawag ang atensyon kang mga miyembro kang kaingud nga opisina kang Bureau of Fire - Bugasong.

Madasig nga nagresponde ang mga miyembro kang Bureau of Fire - Bugasong kag napatay dayon ang kalayo nga nag-umpisa sa nasambitan nga kamalig kang mga manog-obra nga nahuman sa mga 'light materials' nga naplastar sa ingud kang RHU Bugasong kag building kang mga Senior Citizens.

Ang nasambit nga natabo ang padayon nga gina-imbistigaran kang mga katapo kang Bureau of Fire - Bugasong sa pagpamuno ni SFO1 Gerardo R. Clarito.

Padayon nga bisitahi ang dya nga website sa dugang nga mga impormasyon.